ಉಗಾದಿ


ಚಂದ್ರನಡಿಗೆ ನಮ್ಮ ನಡಿಗೆ

ಇದು ಶುಕ್ಲ ಕೃಷ್ಣ ತಾಳಕೆ।

ಋುತುಚಕ್ರವು ಉರಳಿತು

ತಂದಿತು ಉಗಾದಿಯು॥


ಮಾಗಿ ಮಾಗಿ, ಗ್ರೀಶ್ಮ ಬಂದು

ತರುಲತೆಗೆ ಶೋಭೆ ತಂದು।

ಮಾವು, ಬೇವು ಬೇರೆನ್ನದೆಯೆ

ಎಲ್ಲದಕ್ಕು ಹಸಿರನುಡಿಸಿ,

ಋುತುಚಕ್ರವು ಉರಳಿತು

ತಂದಿತು ಉಗಾದಿಯು॥


ಎಳೆಯ ಹಸಿರು ಹೊಸೆದುಸಿರು

ಕೋಗಿಲೆಗೂ ಗಾನ ಹುರುಪು।

ಮಾವಿನಡಿಯ ನೆರಳಿನಲ್ಲಿ

ಪಂಚಮದಲಿ ಹಾಡಿದೆ,

ಋುತುಚಕ್ರವು ಉರಳಿತು

ತಂದಿತು ಉಗಾದಿಯು॥


ಸಿಹಿ ಕಹಿಯು ಜಿಹ್ವ ಸತ್ಯ

ಕಷ್ಟ ಸುಖವು ಅನುಭವದ ಸತ್ಯ।

ಮರಮರಳಿ ಸುತ್ತ ಸುತ್ತಿ

ಮಾಯೆ, ಸತ್ಯಗಳನು ಕದಡಿ

ಜಾಣ ಮತ್ತೆ ಪೇಳಿದ

ಋುತುಚಕ್ರವು ಉರಳಲಿ

ಬರಲಿ ಮತ್ತೆ ಉಗಾದಿಯು॥

- ನಾ ಶ್ರೀ ಮೋ

ಕಾಮೆಂಟ್‌ಗಳು

  1. ಅನಾಮಧೇಯಮಾರ್ಚ್ 18, 2026 ರಂದು 09:32 PM ಸಮಯಕ್ಕೆ

    Sooper

    ಪ್ರತ್ಯುತ್ತರಅಳಿಸಿ
  2. ಅನಾಮಧೇಯಮಾರ್ಚ್ 18, 2026 ರಂದು 09:33 PM ಸಮಯಕ್ಕೆ

    As always

    ಪ್ರತ್ಯುತ್ತರಅಳಿಸಿ
  3. Shankarಮಾರ್ಚ್ 18, 2026 ರಂದು 09:38 PM ಸಮಯಕ್ಕೆ

    Namaste. Happy ugadhi to you and your family sir. Welcome to the new year by you is very nice

    ಪ್ರತ್ಯುತ್ತರಅಳಿಸಿ
  4. Sridhar Sಮಾರ್ಚ್ 19, 2026 ರಂದು 08:11 AM ಸಮಯಕ್ಕೆ

    Super Mohan.
    Ugadi habbada haardika shubhashayagalu 🎁🎉

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾಲ

ಇಮೇಜ್
  ಕಾಲಾನಂತ ಎಂದು ಅದಕೆ  ಇಲ್ಲ ಆದಿ ಅಂತ್ಯವು| ಆದಿ ಅಂತ್ಯವಿಲ್ಲದಾ ಕಾಲ ಎಂದು ಸತ್ಯವು| ಕಾಲ ಸತ್ಯ ಇಂದಿಗಿಂದು  ಕಾಲ ಬಹಳ ಕ್ಷಣಿಕವು| ಕ್ಷಣದ ಕಾಲ ಕಳೆದು ಹೋಗೆ  ಬೊಗಸೆ ನೀರಿನಂದದಿ| ಹಿಡಿಯ ಹೋದೆ ಜಾರಿ ಹೋಯ್ತು  ನನ್ನ ಬೆರಳ ಸಂದಲಿ॥ ಮರಳಿ ಕೈಯನದ್ದಿ ಹಿಡಿದೆ ಮತ್ತೆ ಬೊಗಸೆ ನೀರನು| ತಿಳಿತಿಳಿದೂ ನೀರು ನುಸುಳಿ ಹೋಗುವುದದು ಕ್ಷಣದಲಿ| ಕ್ಷಣಿಕ ನೀರ ಹಿಡಿಯುವಾಸೆ, ಹಿಡಿದ ನೀರ ಕುಡಿಯುವಾಸೆ| ತಣಿಸುವುದು ಒಣ ಕಂಠವ ತೃಪ್ತನಾದೆ, ನಿರ್ಲಿಪ್ತನಾದೆ ಮಾಯವಾದ ನೀರ ನೋಡೆ ತಿಳಿದೆ ಜಾಣ ಸತ್ಯವ॥ - ನಾ ಶ್ರೀ ಮೋ
Read more »

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »