ಕನಸುಗಳು

🔊 Click here for audio recitation

ಬೆಚ್ಚನೆಯ ನಿನ್ನೆಗಳ ಕಂಬಳಿಯ ನಾ ಹೊದ್ದು

ಕನಸುಗಳನರಸುವೆನು ಕಣ್ಣ ಮುಚ್ಚಿ॥


ಬಲು ಭಾರದಾ ಕಂಬಳಿಯ ನಾ ಬಿಚ್ಚಿ

ಈ ಬಿಸಿಯೊಳು ನಾ ಹೊದ್ದುದೇಕೆ?

ಬೆವರುತಿಹೆ ಕನಸಿನೊಳು ಹಿಂದಿನದ ನೆನೆಯುತ್ತ

ನಿನ್ನೆಗಳಿಗಿದು ಎಂಥ ಪರಿತಾಪವು?


ಬೆಚ್ಚನೆಯ ನಿನ್ನೆಗಳ ಕಂಬಳಿಯ ನಾ ಹೊದ್ದು

ಕನಸುಗಳನರಸುವೆನು ಕಣ್ಣ ಮುಚ್ಚಿ॥


ಬಯಲಿನ ಚಳಿಗೆ ಇಂದು ಕಂಬಳಿಯ ಬಯಸಿದೆನು

ಮೈಗೆಲ್ಲ ಮುದಕೊಟ್ಟು ಶಾಖವಿತ್ತು।

ಹಿಂದೆಗೈದಾ ಸುಕೃತ ಮರಳಿ ನನ್ನನು ಸುತ್ತಿ

ಕಾಪಾಡುತಿಹುದೇನು ರಕ್ಷೆಯಿಟ್ಟು?


ಬೆಚ್ಚನೆಯ ನಿನ್ನೆಗಳ ಕಂಬಳಿಯ ನಾ ಹೊದ್ದು

ಕನಸುಗಳನರಸುವೆನು ಕಣ್ಣ ಮುಚ್ಚಿ॥


ಒಮ್ಮೊಮ್ಮೆ ಬೇಸರವು ಬೇಡೆನಗೆ ಕಂಬಳಿಯು

ತಳ್ಳಿದೆನು ಕಂಬಳಿಯನಾಚೆ ನಾನು 

ಅದರ ಆಸರೆಯು ಬೇಕೇನು ಇಂದೆನಗೆ

ನೋಡುವೆನು ಹೊಸ ಕನಸ ನಾಳೆಗೆಂದು॥


ನಿನ್ನೆಗಳ ಕಂಬಳಿಯು ಬೇಡವಿನ್ನೋ  ಜಾಣ

ಹೊಸ ಕನಸುಗಳನರಸುವೆನು ಕಣ್ಣ ಮುಚ್ಚಿ॥


ಕಾಮೆಂಟ್‌ಗಳು

  1. Shankarಮೇ 28, 2026 ರಂದು 07:16 AM ಸಮಯಕ್ಕೆ

    ನಿಮ್ಮ photo ಬಹಳ ಚೆನ್ನಾಗಿ ಇದೆ.first class. positive mind searches for hosa kanasu. very nice sie

    ಪ್ರತ್ಯುತ್ತರಅಳಿಸಿ
  2. ಅನಾಮಧೇಯಮೇ 28, 2026 ರಂದು 09:50 AM ಸಮಯಕ್ಕೆ

    Sooper.. 👍 nice presentation

    ಪ್ರತ್ಯುತ್ತರಅಳಿಸಿ
  3. ಅನಾಮಧೇಯಮೇ 28, 2026 ರಂದು 06:48 PM ಸಮಯಕ್ಕೆ

    ತುಂಬಾ ಚೆನ್ನಾಗಿದೆ ನಿನ್ನ ನುಡಿ ಹಾಗು ನಿನ್ನ ಫೋಟೋ ಮೋಹನ

    ಪ್ರತ್ಯುತ್ತರಅಳಿಸಿ
  4. RAGHAVENDRA Vಮೇ 28, 2026 ರಂದು 07:53 PM ಸಮಯಕ್ಕೆ

    ತುಂಬಾ ಚೆನ್ನಾಗಿದೆ..ನೆನ್ನೆ ನೆನಪಿನ ಕಂಬಳಿ ಹಾಗೂ ನಾಳೆ ಕನಸು ಎಂಬ ಪರಿಕಲ್ಪನೆ ಅಧ್ಬುತ..ನಿಮ್ಮ ಭಾವಚಿತ್ರ ಕೂಡ ತುಂಬಾ ಚೆನ್ನಾಗಿ ಮೂಡಿಬಂದಿದೆ

    ಪ್ರತ್ಯುತ್ತರಅಳಿಸಿ
  5. ಅನಾಮಧೇಯಮೇ 28, 2026 ರಂದು 08:24 PM ಸಮಯಕ್ಕೆ

    wonderful thoughts and rendition Mohana. Keep writing.

    ಪ್ರತ್ಯುತ್ತರಅಳಿಸಿ
  6. ಅನಾಮಧೇಯಮೇ 29, 2026 ರಂದು 09:37 AM ಸಮಯಕ್ಕೆ

    Fantastic....

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಉಗಾದಿ

ಇಮೇಜ್
  🔊 Click here and listen to audio recitation ಚಂದ್ರನಡಿಗೆ ನಮ್ಮ ನಡಿಗೆ ಇದು ಶುಕ್ಲ ಕೃಷ್ಣ ತಾಳಕೆ। ಋುತುಚಕ್ರವು ಉರಳಿತು ತಂದಿತು ಉಗಾದಿಯು॥ ಮಾಗಿ ಮಾಗಿ, ಗ್ರೀಶ್ಮ ಬಂದು ತರುಲತೆಗೆ ಶೋಭೆ ತಂದು। ಮಾವು, ಬೇವು ಬೇರೆನ್ನದೆಯೆ ಎಲ್ಲದಕ್ಕು ಹಸಿರನುಡಿಸಿ, ಋುತುಚಕ್ರವು ಉರಳಿತು ತಂದಿತು ಉಗಾದಿಯು॥ ಎಳೆಯ ಹಸಿರು ಹೊಸೆದುಸಿರು ಕೋಗಿಲೆಗೂ ಗಾನ ಹುರುಪು। ಮಾವಿನಡಿಯ ನೆರಳಿನಲ್ಲಿ ಪಂಚಮದಲಿ ಹಾಡಿದೆ, ಋುತುಚಕ್ರವು ಉರಳಿತು ತಂದಿತು ಉಗಾದಿಯು॥ ಸಿಹಿ ಕಹಿಯು ಜಿಹ್ವ ಸತ್ಯ ಕಷ್ಟ ಸುಖವು ಅನುಭವದ ಸತ್ಯ। ಮರಮರಳಿ ಸುತ್ತ ಸುತ್ತಿ ಮಾಯೆ, ಸತ್ಯಗಳನು ಕದಡಿ ಜಾಣ ಮತ್ತೆ ಪೇಳಿದ ಋುತುಚಕ್ರವು ಉರಳಲಿ ಬರಲಿ ಮತ್ತೆ ಉಗಾದಿಯು॥ - ನಾ ಶ್ರೀ ಮೋ
Read more »

ಮರ

ಇಮೇಜ್
  Click here for audio recitation 🔊 🔊 Click here for Music Video of this song ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂ ಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಕಾಂಡಗಳ ಬಲದಲ್ಲಿ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರಬೇಕಿತ್ತು ಜಾಣ ಈ  ಧರೆಯೊಳಗೆ॥
Read more »

“ಕಳೆದ” ಸ್ನೇಹ

ಇಮೇಜ್
🔊Click here for audio recitation ಹಿಂದೆ ಕಳೆದ ದಿನಗಳನು ನೆನೆದು ಇಂದು ನನ್ನ ನಾ ಕೇಳಿದೆ - ಎಂದು ಹೇಗೆ ಕಳೆದು ಹೋಯ್ತು ಸಂ ದ  ಸ್ನೇಹ ಸಲಿಗೆಯು? ಬಿಚ್ಚಿ ಮಾತನಾಡುತ್ತಿದ್ದ ಹೃದಯದಾಳದಿಂದ ಬಂದ ಚಿಕ್ಕ ಮಾತಿಗೆಲ್ಲ ನಕ್ಕ ಎಂದು ಹೇಗೆ ಕಳೆದು ಹೋಯ್ತು? ಸಂ ದ  ಸ್ನೇಹ ಸಲಿಗೆಯು? ಚುಚ್ಚಿ ಮೌನದಿಂದ    ಮನವು ಸಿಹಿಯ ಬಿಟ್ಟು ಕಹಿಯನುಂಡು ಎರಡು ದಡದಂಚಲ್ಲಿ ನಿಂದು ನಡುವೆ ಕಾಲ ನದಿಯು ಹರಿದು ಎಂದು ಹೇಗೆ ಕಳೆದು ಹೋಯ್ತು ಸಂ ದ  ಸ್ನೇಹ ಸಲಿಗೆಯು? ತಿಳಿಯಲಿಲ್ಲ ಅರಿಯಲಿಲ್ಲ ಎಂದು ಸಂದು ಬಿರುಕುಬಿಟ್ಟು ಬಿರುಕು ಇಂದು ಕಣಿವೆಯಾಗಿ ಇತ್ತ ನಾನು, ಅತ್ತ ನೀನು ಎಂದು ಹೇಗೆ ಕಳೆದು ಹೋಯ್ತು ಸಂ ದ  ಸ್ನೇಹ ಸಲಿಗೆಯು? ನನ್ನ ಬೆಟ್ಟದಲ್ಲಿ ನಾನು  ನಿನ್ನದರಲಿ ನಿಂದೆ ನೀನು ದೂರ ನೋಟದಲ್ಲಿ ಕಂಡು ಕೂಗಿಗೆಲ್ಲ ಪ್ರತಿಧ್ವನಿಯು ಎಂದು ಹೇಗೆ ಕಳೆದು ಹೋಯ್ತು ಸಂ ದ  ಸ್ನೇಹ ಸಲಿಗೆಯು? ಮರೆಯಲಿಲ್ಲ ಗೆಳೆಯ ನಿನ್ನ ನನ್ನ ನೀನೂ ಮರೆತೇ ಇಲ್ಲ. ನನಗೂ ನಿನಗೂ ಬಿಡುವೆಯಿಲ್ಲ ಎಂದು ನಾವೇ ಅಂದುಕೊಳುತ ಹೀಗೇ ಕಳೆದು ಹೋಗಲೇ ಜಾಣ ಆ ಸ್ನೇಹ ಸಲಿಗೆಯು?
Read more »