ಬಾಲ್ಯ

 





ಎಲ್ಲಿ ಕಳೆದು ಹೋದವೋ 

ಆ ಕಳೆದ ದಿನಗಳು

ಮರುಕಳಿಸಿ ಬಾರದೇಕೊ

ಆ ಸಿಹಿಯ ಕ್ಷಣಗಳು


ಬಣ್ಣ ಹಚ್ಚಿ, ಹೋಲಿ ಎರೆಚಿ

ಸೌದೆ ಕದ್ದು, ಕಾಮನುರಿಸಿ

ಬುಗುರಿ, ಗಿಲ್ಲಿದಾಂಡಲಾಡಿ

ಗಾಳಿ ಪಟವ ಹಾರಿಬಿಟ್ಟ


ಎಲ್ಲಿ ಕಳೆದು ಹೋದವೋ 

ಆ ಕಳೆದ ದಿನಗಳು

ಮರುಕಳಿಸಿ ಬಾರದೇಕೊ

ಆ ಸಿಹಿಯ ಕ್ಷಣಗಳು


ಬೀದಿ ಸುತ್ತಿ, ಕ್ರಿಕೆಟ್ಟಾಡಿ

ಬಣ್ಣದ ಐಸ್ಕ್ರೀಮು ಚೀಪಿ

ನಾಲಿಗೆಯನು ಬಣ್ಣಗೊಳಿಸಿ

ನೆಲ್ಲಿಗೆ ಬಾಯಿಟ್ಟು ನೀರು ಕುಡಿದ


ಎಲ್ಲಿ ಕಳೆದು ಹೋದವೋ 

ಆ ಕಳೆದ ದಿನಗಳು

ಮರುಕಳಿಸಿ ಬಾರದೇಕೊ

ಆ ಸಿಹಿಯ ಕ್ಷಣಗಳು


ಮರಕೋತಿ, ಐಸ್ಪೈಸ್‌

ಜೂಟಾಟ, ಕಳ್ಳ ಪೋಲಿಸ್‌

ಬುಗುರಿ ಗುನ್ನ, ಗೋಲಿಯಾಟ

ಕತ್ತರಿ ಸೈಕಲ್ಲು ಕಲಿತ 


ಎಲ್ಲಿ ಕಳೆದು ಹೋದವೋ 

ಆ ಕಳೆದ ದಿನಗಳು

ಮರುಕಳಿಸಿ ಬಾರದೇಕೊ

ಆ ಸಿಹಿಯ ಕ್ಷಣಗಳು


ಹರಿಕತೆ ,ಬೀದಿ ನಾಟಕಗಳು

ಗಣೇಶೋತ್ಸವದ ಆರ್ಕೆಸ್ಟ್ರಾಗಳೋ

ಓಮ್ಮೊಮ್ಮೆ ಅಣ್ಣವರ ಚಿತ್ರಗಳೋ

ಬನ್ನೇರುಘಟ್ಟದ ಸೈಕಲ್ಲು ಟ್ರಿಪ್ಪುಗಳೋ


ಎಲ್ಲಿ ಕಳೆದು ಹೋದವೋ 

ಆ ಕಳೆದ ದಿನಗಳು

ಮರುಕಳಿಸಿ ಬಾರದೇಕೊ

ಆ ಸಿಹಿಯ ಕ್ಷಣಗಳು

- ನಾ ಶ್ರೀ ಮೋ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾಲ

ಇಮೇಜ್
  ಕಾಲಾನಂತ ಎಂದು ಅದಕೆ  ಇಲ್ಲ ಆದಿ ಅಂತ್ಯವು| ಆದಿ ಅಂತ್ಯವಿಲ್ಲದಾ ಕಾಲ ಎಂದು ಸತ್ಯವು| ಕಾಲ ಸತ್ಯ ಇಂದಿಗಿಂದು  ಕಾಲ ಬಹಳ ಕ್ಷಣಿಕವು| ಕ್ಷಣದ ಕಾಲ ಕಳೆದು ಹೋಗೆ  ಬೊಗಸೆ ನೀರಿನಂದದಿ| ಹಿಡಿಯ ಹೋದೆ ಜಾರಿ ಹೋಯ್ತು  ನನ್ನ ಬೆರಳ ಸಂದಲಿ॥ ಮರಳಿ ಕೈಯನದ್ದಿ ಹಿಡಿದೆ ಮತ್ತೆ ಬೊಗಸೆ ನೀರನು| ತಿಳಿತಿಳಿದೂ ನೀರು ನುಸುಳಿ ಹೋಗುವುದದು ಕ್ಷಣದಲಿ| ಕ್ಷಣಿಕ ನೀರ ಹಿಡಿಯುವಾಸೆ, ಹಿಡಿದ ನೀರ ಕುಡಿಯುವಾಸೆ| ತಣಿಸುವುದು ಒಣ ಕಂಠವ ತೃಪ್ತನಾದೆ, ನಿರ್ಲಿಪ್ತನಾದೆ ಮಾಯವಾದ ನೀರ ನೋಡೆ ತಿಳಿದೆ ಜಾಣ ಸತ್ಯವ॥ - ನಾ ಶ್ರೀ ಮೋ
Read more »

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »