ಎಂತಹ ಚೆಲುವು?

 



ಅದೇ ಬೆಟ್ಟ ಅದೇ ಕಣಿವೆ

ಸ್ಥಿರವೆಲ್ಲವೀ ಜಗವು|

ಜಗದ ಜಂಗಮಕೆ

ರವಿಯ ಕಾಂತಿ॥


ಅದೇ ಬೆಳಕು ಅದೇ ಛಾಯೆ

ದಿನ ದಿನಕೆ ಬರುವುದು|

ಸ್ಥಾವರದ ಸಾಗರಕೆ

ಭುವಿಯ ಶಾಂತಿ


ಅದೇ ಉಸಿರು ಒಳಹೊರಗು

ಮನದ ವಿಪ್ಲತೆಯು|

ಬಹು ಭಾರವೀಮನಕೆ

ಕವಿಯ ಭ್ರಾಂತೀ


ಅದೇ ಅಕ್ಷರ ಪದಗಳೋ

ಪದ ಪೋಣಿಸುವಾಟ|

ಕವಿಯ ಕಲ್ಪನೆಗೆದರಿ

ಆದ ಜಾಣ ವೇದಾಂತಿ 

  • - ನಾ ಶ್ರೀ ಮೋ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾಲ

ಇಮೇಜ್
  ಕಾಲಾನಂತ ಎಂದು ಅದಕೆ  ಇಲ್ಲ ಆದಿ ಅಂತ್ಯವು| ಆದಿ ಅಂತ್ಯವಿಲ್ಲದಾ ಕಾಲ ಎಂದು ಸತ್ಯವು| ಕಾಲ ಸತ್ಯ ಇಂದಿಗಿಂದು  ಕಾಲ ಬಹಳ ಕ್ಷಣಿಕವು| ಕ್ಷಣದ ಕಾಲ ಕಳೆದು ಹೋಗೆ  ಬೊಗಸೆ ನೀರಿನಂದದಿ| ಹಿಡಿಯ ಹೋದೆ ಜಾರಿ ಹೋಯ್ತು  ನನ್ನ ಬೆರಳ ಸಂದಲಿ॥ ಮರಳಿ ಕೈಯನದ್ದಿ ಹಿಡಿದೆ ಮತ್ತೆ ಬೊಗಸೆ ನೀರನು| ತಿಳಿತಿಳಿದೂ ನೀರು ನುಸುಳಿ ಹೋಗುವುದದು ಕ್ಷಣದಲಿ| ಕ್ಷಣಿಕ ನೀರ ಹಿಡಿಯುವಾಸೆ, ಹಿಡಿದ ನೀರ ಕುಡಿಯುವಾಸೆ| ತಣಿಸುವುದು ಒಣ ಕಂಠವ ತೃಪ್ತನಾದೆ, ನಿರ್ಲಿಪ್ತನಾದೆ ಮಾಯವಾದ ನೀರ ನೋಡೆ ತಿಳಿದೆ ಜಾಣ ಸತ್ಯವ॥ - ನಾ ಶ್ರೀ ಮೋ
Read more »

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »