ತಡ

 


🔊Audio link

ನಿನ್ನೆಯತನಕ ನಲಿದಾಡುತ್ತಿದ್ದ

ಬಲು ಮೋಜಿ ಗೆಳೆಯನೊಬ್ಬ

ಇದ್ದಿಕ್ಕಿದ್ದಂತೇನಾಯಿತೊ ತಿಳಿಯೆ

ವಾಟ್ಸಾಪ್‌ನಲ್ಲಿ ಅವನು ಸ್ತಬ್ಧ


ಬಂದದ್ದೆಲ್ಲ ಫಾರ್ವರ್ಡು 

ಪ್ರತಿ ವಿಷಯಕ್ಕೂ ಟೀಕೆ ಟಿಪ್ಪಣಿ

ಮರೆಯುತ್ತಿರಲ್ಲಿಲ್ಲ ಯಾರ ಹುಟ್ಟುಹಬ್ಬ

ಮರೆತನಲ್ಲ ಇಂದೇಕೊ ಎಂದನೊಬ್ಬ


ಬಹುಮುಖ ಪ್ರತಿಭೆ ಬಣ್ಣದ ವ್ಯಕ್ತಿ

ಸಂಗಿತ, ನಾಟಕ, ಕ್ರಿಕೆಟ್ಟು, ಇಸ್ಪೀಟು

ಗುಂಪಿನಲಿ ಇವನಿಗೆ ಸರಿಸಾಟಿಯಿಲ್ಲ 

ಹೋಗದ ಹೋಟೇಲ್ಲಿಲ್ಲ ಇವ ತಿಂಡಿಪೋತ


ಬೀದಿಯಲ್ಲಿ ಸಿಕ್ಕರೆ ಯಾರಾದರೂ

ತಿಳಿದಿಲ್ಲದಿರಲಿ ಪರಿಚಯಿಸಿಕೊಂಡು

ಬೆರೆಯುವ ಮನಸು ನಿಶ್ಕಪಟಿ

ತಿಳಿದಿದ್ದವರಿಗೆ ಸಿಕ್ಕು ಕೊರೆಯುವವನು


ಸಂತಸ, ಸಂತಾಪಗಳಿಗೆಲ್ಲ ಇವ ಮುಂದು

ಹಿಂತಿರುಗದೆ ಸಹಾಯಕ್ಕಿಳಿವ ತನ್ನವರೆಂದು

ನಕ್ಕು ನಲಿಸುವ ಮಕ್ಕಳಿಗೆ ಮಾಮ ತಾತನೆಂದು

ಸದಾ ಹಸನ್ಮುಖಿ, ಇರುವನಿತರರಿಗೆಂದು


ಸುದ್ಧಿಯೇ ಇಲ್ಲವಲ್ಲ ಎಲ್ಲಿಹನೋ ಇವನು

ಏನಾಗಿದೆಯೋ ಇವಗೆ ಮೆಸೇಜುಗಳಿಲ್ಲ 

ಯಾರಿಗೂ ಇತ್ತೀಚೆಗೆ ಅವ ಕಾಣಲಿಲ್ಲ

ಎಲ್ಲಿ ಅಡಗಿಕುಳಿತಿಹನೋ ಅಡಗಿಸಿ ಸೊಲ್ಲ


ಇತರಿಂದ ಇರುವ ವಿಳಾಸವ ತಿಳಿದೆ

ನೋಡಲನವ ಹೇಳದೆಯೆ ಹೊರಟೆ

ನೋಡಲೇಬೇಕೆಂದು ಮನದಲಿ ಹಠ

ಅಷ್ಟರಲ್ಲಾಗಲೇ ಅವನು ಗೋಡೆಯಮೇಲಿನ 

ಚಿತ್ರ ಪಟ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಕಾಲ

ಇಮೇಜ್
  ಕಾಲಾನಂತ ಎಂದು ಅದಕೆ  ಇಲ್ಲ ಆದಿ ಅಂತ್ಯವು| ಆದಿ ಅಂತ್ಯವಿಲ್ಲದಾ ಕಾಲ ಎಂದು ಸತ್ಯವು| ಕಾಲ ಸತ್ಯ ಇಂದಿಗಿಂದು  ಕಾಲ ಬಹಳ ಕ್ಷಣಿಕವು| ಕ್ಷಣದ ಕಾಲ ಕಳೆದು ಹೋಗೆ  ಬೊಗಸೆ ನೀರಿನಂದದಿ| ಹಿಡಿಯ ಹೋದೆ ಜಾರಿ ಹೋಯ್ತು  ನನ್ನ ಬೆರಳ ಸಂದಲಿ॥ ಮರಳಿ ಕೈಯನದ್ದಿ ಹಿಡಿದೆ ಮತ್ತೆ ಬೊಗಸೆ ನೀರನು| ತಿಳಿತಿಳಿದೂ ನೀರು ನುಸುಳಿ ಹೋಗುವುದದು ಕ್ಷಣದಲಿ| ಕ್ಷಣಿಕ ನೀರ ಹಿಡಿಯುವಾಸೆ, ಹಿಡಿದ ನೀರ ಕುಡಿಯುವಾಸೆ| ತಣಿಸುವುದು ಒಣ ಕಂಠವ ತೃಪ್ತನಾದೆ, ನಿರ್ಲಿಪ್ತನಾದೆ ಮಾಯವಾದ ನೀರ ನೋಡೆ ತಿಳಿದೆ ಜಾಣ ಸತ್ಯವ॥ - ನಾ ಶ್ರೀ ಮೋ
Read more »

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »