ದೋಸೆ

                                         

🔊Click here to hear this as a song

ಅಹಾ ದೋಸೆ ಬಿಸಿಬಿಸಿ ದೊಸೆ

ಕಾದ ಹಂಚಿಗೆ ಚುಸ್ಸೆಂದೆನುತ

ಹರಡಿ ಹರಡಿಸಿ ವುತ್ತಾಕಾರದಿ

ವಿಧ ವಿಧವಾಗಿ ಅವತರಿಸುವ

ಅಹಾ ದೋಸೆ ಬಿಸಿಬಿಸಿ ದೋಸೆ

ಏನಿಲದಿದ್ದರೆ ಅದು ಖಾಲೀ ದೋಸೆ

ಪಲ್ಯದ ಜೊತೆಗದು ಮಸಾಲ ದೋಸೆ

ಬೆಣ್ಣೆ ಹಾಕಿದರೆ ದಾವಣಗೆರೆಯು

ಮೂರಾದರೆ ಅದು ಸೆಟ್ಟಾಗುವುದು

ಅಹಾ ದೋಸೆ ಬಿಸಿಬಿಸಿ ದೋಸೆ

ಕಾಗದದಂತಹ ಪೇಪರ್ದೋಸೆ

ಅಲ್ಲಿಲ್ಲಿದ ಪ್ಲೈನು ದೊಸೆ

ಸಾದ ಮಸಾಲೆ, ಬೆಣ್ಣೆ ಮಸಾಲೆ

ರುಚಿಕರ ನಮ್ಮ ಮೈಸೂರು ಮಸಾಲೆ

ಅಹಾ ದೋಸೆ ಬಿಸಿಬಿಸಿ ದೋಸೆ

ರವೆಯಲ್ಲಾದರೆ ರವೇ ಮಸಾಲೆ

ಕಾಳುಗಳಿದ್ದರೆ ಪೆಸರಟ್ಟದುವು

ತೆಮಿಳಗರು ಅದ ಅಡೈ ಎನ್ನುವರು

ಭಾಷೆಗಳನೇಕ ವಿಧ ವಿಧ ತರಹ 

ಅಹಾ ದೋಸೆ ಬಿಸಿಬಿಸಿ ದೋಸೆ

ಮನೆಯಲಿ ರುಬ್ಬಲಿ ಹಿಟ್ಟದು ಕಲಸಲಿ

ನೇರ ಉಪಯೋಗದ readymix ಇರಲಿ

ID MTRರೋ  ಮನೆಗದು ಬರಲಿ

ಮೆಂತ್ಯವೊ ಕಡಲೆಯೊ ಅವಲಕ್ಕಿಯೂ ಸೇರಲಿ

ಅಹಾ ದೋಸೆ ಬಿಸಿಬಿಸಿ ದೋಸೆ

ಕಾಯಿತುರಿಯ ಬಿಳಿ ತೆಂಗಿನ ಚಟ್ನಿ

ಕೆಂಬಣ್ಣದ ಟೊಮೇಟೊ ಚಟ್ನಿ

ಪುದೀನ ಕೊತ್ತಮ್ಮರಿಯ ಹಸಿರಾದರು ಸರಿಯೆ

ಬಣ್ಣ ಬಣ್ಣದ ಚಟ್ನಿ ದೋಸೆಗೆ ಅಣಿಯೆ

ಅಹಾ ದೋಸೆ ಬಿಸಿಬಿಸಿ ದೋಸೆ

ಏನಿಲ್ಲದಿರೆ ಇದೆ ಚಟ್ನಿಪುಡಿಯು

ಶೇಂಗಾ ಪುಡಿ ಕರಿಬೇವಿನ ಪುಡಿಯು

ಉಪ್ಪಿನಕಾಯೋ ಮಾವಿನ ತೊಕ್ಕೋ

ಕಡೆಗೆ ಜೇನು ಬೆಲ್ಲ ಜ್ಯಾಮಿನ ಸಿಹಿಯೋ

ಅಹಾ ದೋಸೆ ಬಿಸಿಬಿಸಿ ದೋಸೆ

ಪಿಜ್ಜಾ ಬರಗರ್‌ ಮಾಮ ಮೋಮೋ

ಪೂರಿ ಭಾಜಿ ಮಿಸ್ಸಲ ಪಾವು

ಸಾಧಾರಣ ಜಗಳಕ್ಕಾಗುವ ಉಪ್ಪಿಟ್ಟು

ಇವನೆಲ್ಲವ ಜೈಸಿ ನಿಂತಿದೆ ಮೆಟ್ಟು

ಅಹಾ ದೋಸೆ ಬಿಸಿಬಿಸಿ ದೋಸೆ

ದೋಸೆಗೇಕೆನ್ನುವರು ಡೋಸ?

ಕನ್ನಡ್ ಬಾರದ ಉತ್ತರದವರು

ತಪ್ಪಿರಬಹುದು ಉಚ್ಚಾರದಲಿ

ತಿನ್ನಲು ಅವರಿಗೂ ತೃಪ್ತೀಕರವೂ

ಅಹಾ ದೋಸೆ ಬಿಸಿಬಿಸಿ ದೋಸೆ

ಅಗ್ರಪೂಜೆಗೆ ಹೊಟೆಲ್ಲುಗಳನೇಕ

ಮಲ್ಲೇಶ್ವರವೋ ಬಸವನಗುಡಿಯೋ

ಪುರಾತನವಲ್ಲದ ನಿನ್ನೆ ಮೊನ್ನೆಯವೋ

ಇಡುವರು ಆಣೆ ಬಿಡುವರು ಪ್ರಾಣ

ಇಲ್ಲಿ ತಿಂದನುಭವಿಸುವವ ಜಾಣ

• ನಾ ಶ್ರೀ ಮೋ