ಸ್ವಾತಂತ್ರ್ಯದಿನಾಚರಣೆ

 


ಅಂತು ಬಂತು ಆಗಸ್ಟ್‌ ಹದಿನೈದು

ತುಂಬಿತಂತೆ ವರುಷಗಳು ಎಪ್ಪತ್ತೈದು


ಬಹು ಬಹು ಪಕ್ಷಗಳ ಆಳ್ವಿಕೆಯು

ಕಾಂಗ್ರೆಸ್‌, ಜನತಾ, ಭಾಜಾಪಾಗಳು

ನನ್ನ , ನಿನ್ನ ಪ್ರಭುತ್ವವಂತೆ ಜನತಂತ್ರದೊಳು!

ಬಡಪಾಯಿಗಳಿಗೆಲ್ಲ ಹೋದವೇ ಗೋಳು?


ಖಾದೀ ಹಾಕಿಕೊಂಡರು ಕೆಲ ಖದೀಮರು

ಖಾಲಿ ಕೈಗಳಿಗೆ ಐದುವರುಷಕ್ಕೊಮ್ಮೆ

ಮುಖವ ತೋರಿಸಿ ನೋಟುಗಳ ಹಂಚಿದರು

ಮತ್ತೆ ಪತ್ತೆ ಇಲ್ಲ ಶಾಸಕಾಂಗದ ವಂಚಕರು


ಅವರ ಹಿಂದಿಹುದು ಪ್ರಜಾಪ್ರಭುತ್ವದ ಬೆನ್ನೆಲುಬು

ಸರ್‌ ಎನಿಸಿಕೊಂಡು, ಕಾರ್ನಲ್ಲಿ ತಿರುಗುವ ಜನರು

ಸರ್ಕಾರೀ ಬಾಬೂಗಳು ಹೇಳುವರು ಸಬೂಬುಗಳು

ಕಾರ್ಯಾಂಗ ವಾಕ್ಯಗಳಿಗಿವರು ಹ್ರಸ್ವಬಿಂದು!


ಇನ್ನಾದರೂ ನ್ಯಾಯದೊರಕುವುದೆಂದರೆ ಮಿತ್ಯ

ದತ್ತ ತಾರೀಖು ಮುಂದೂಡುತ್ತ ತೆವಳುವುದು

ಕಾಯಬೇಕು ನೀವು ಸಾಯುವವರೆಗೂ

ನ್ಯಾಯಾಂಗವ ನೋಡುತ ಕಾಯ್ದು ಕುಳಿತಿಹರು ನೊಂದು


ಬಡಿದೆಬ್ಬಿಸುವ ಮಾಧ್ಯಮಗಳು ಇದಕೆ ಉತ್ತರವೇನು?

ಪರವಹಿಸಿ ದ್ವೇಶ ಹಗೆಗಳ ಹೊಗೆಯಾಡಿಸುವವರು

ಅಶ್ವತ್ತಾಮ ಸತ್ತಿಹನೆಂದು ಸುಳ್ಳು ಘೋಶಿಸುವರಿವರು

ನಂಬಲೊಲ್ಲೇ ನಾನು ಈ ಮಾಧ್ಯಮಗಳನು!


ಇದಕೆಲ್ಲ ಕೊನೆಯೇನು ಅಂತ್ಯೋದಯವು ಎಂತೊ?

ದೇಶ ಪ್ರೇಮಿಸುವ ಎಚ್ಚೆತ್ತ ಜನತೆ, ಮತ್ತವರ ಒಗ್ಗಟ್ಟು

ಚುಣಾವಣೆಗಳಲ್ಲಿ ಮತಗಳ ವ್ಯಾಪಾರ ಬೇಡ

ಮತಗಳನಾಧಾರಿಸಿ ವೋಟು ಕೊಡ ಬೇಡ


ತೆರಿಗೆಗಳ ಪಾವತಿಸಿ ಮುನ್ನಡೆಯಲ್ಲಿ ಪಾತ್ರವಹಿಸು

ಕಾನೂನುಲ್ಲಂಘನೆಯು ಬೇಡ,ಇರಲಿ ನಿನ್ನಲಿ ಶಿಸ್ತು

ನಿನ್ನ ಹಕ್ಕಿಗೆ ಹೋರಾಡಿ, ಭಾದ್ಯತೆಯ ನಿರ್ವಹಿಸು

ಸತ್ಪ್ರಜೆಯಾಗು ದೇಶದೇಳಿಗೆಗೆ ನೀ ಬಾಳು


ಹತಾಶನಾಗದಿರು ಮುನ್ನಡೆದಿರುವೆ ಬಹಳ

ಉದ್ಯಾನದಲಿ ಕಳೆಗಳಿರುವುದು ಸಹಜ

ಕಿತ್ತೊಗೆದು ಕಳೆಗಳನು ಸುಚಿಗೊಳಿಸೋಣ

ಈ ಕಾಡನ್ನು ಸುಂದರ ನಾಡಾಗಿಸೊ ಜಾಣ॥

-ನಾ ಶ್ರೀ ಮೋ

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »

ಗೀತಕ್ಕನ ಹಕ್ಕಿ

ಇಮೇಜ್
    ಚಿತ್ರ ಕೃಪೆ: ಗೀತಕ್ಕ Click here for audio recitation 🔊 ಹಾರ ಹೊರಟ ಹಕ್ಕಿಯೇಕೊ ರಕ್ಕೆ ಮುದುರಿ ಕೂತಿತೋ। ಯಾವುದರ ನೆನೆಪಾಗಿ ತಾನು ಮೈ ಮರೆತು ಹಾಡಿತೋ? ಸುತ್ತ ಕೇಳಲಾರೂ ಇಲ್ಲ ಪಂಚಮದಲ್ಲಿ ಗುನುಗಿತೊ। ಕೇಳಲೆಂದು ಹಾಡಿತೇನು ತನ್ನತನವ ಮರೆಯುತ? ಅದರ ಇಂಪು ತಿಳಿಯದದಕೆ ಕಂಠ ಬಿಚ್ಚಿ ಹಾಡಿದೆ। ಮೈ ಮರೆತು ನಿದ್ದೆಗೈದ ಬೇಡನನ್ನು ಕಾಡಿದೆ! ಬೇಡನೆದ್ದ ಬೆಚ್ಚಿ ಬಿದ್ದು ಚಿನ್ನ ಕಂಠ ಕೂಗಿಗೆ। ಸರ್ರನೆದ್ದು  ಬೀಸಿ  ಬಲೆಯ  ಪಂಜರದಿ ಅದ ತುಂಬಿದ! ಹಾರ ಹೊರಟ ಹಕ್ಕಿಯಿಂದು ದೂರ ಹಾರದಾಗದಾಯಿತೆ। ಜಾಣತನವ ತೋರದದಕೆ ಇಂದು ಶಿಕ್ಷೆಯಾಯಿತೆ? ಪಂಜರದಾ ಹಕ್ಕಿಗಿನ್ನು ಬಿಡುಗಡೆಯೇ ಇಲ್ಲವೆ? ಸಿಕ್ಕ ಹಕ್ಕಿ ರಕ್ಕೆ ಕಡಿದು ಇನ್ನು ಹಾರಲಾರದೆ? ಬೇಡ ಬಂದ ಜಂಭದಿಂದ ತೋರಿದನಾ ಹಕ್ಕಿಯ। ಪುಟ್ಟ ಮಗುವಿಗಿದೇ ಸರಿ ಎಂದನಾ ಸಿರಿವಂತನು॥ ಕೊಂಡನವನು ಬೇಡನಿಂದ ಅವ ಬೇಡಿದ ಹೊನ್ನಕೆ। ಚಿಕ್ಕ ಮಗುವಿಗೆಂದ ನಗುತ ಇದೋ ನಿನ್ನಾಟಿಕೆ॥ ಮಗುವು ಮುಗ್ಧ ಮನದಿ ನೋಡಿ ಹಕ್ಕಿ ಹಾಡಲೆಂದು ಕೇಳಿತು। ಪಂಜರದಾ ಹಕ್ಕಿಯದು ಮೌನದಲ್ಲಿ ನೋಡಿತು॥ ಅದರ ತೊಳಲನರಿತ ಮಗುವು ಹಕ್ಕಿ ಪಟಕ ತೆರೆಯಿತು। ಹಾರಿ ಹೋಗಿ ಹಕ್ಕಿ ಮಗುಗೆ  ಹಾಡೊಂದನು ಹಾಡಿತು॥ ಕಲಿತೆ ಪಾಠ ನಾನು ಇಂದು ಎಂದೆಂದಿತು ಹಕ್ಕಿಯು। ಏನೆಂದು ಕೇಳೆ ಮಗುವು ಜಾಣ ಹಕ್ಕಿ ನಕ್ಕು ಹಾರಿತು॥ ⁃ ನಾ ಶ್ರೀ ಮೋ Translated Why did the bird that soared so high Fold its win...
Read more »