ದಖಾವ್



"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ
ದಕಾವ್ ಬಾಗಿಲಿಗೆ ಬಂದ
ಜನಕೆ  ಹೇಳುವ  ಮಂತ್ರ

ಮಾನವೀಯತೆಯ  ಮೃತ್ಯು
ಮಾನವತೆಯ  ಶತ್ರು
ಮಾನವ  ಮಾನವನಿಗೆ ಎಸಗಿದ
ರಾಕ್ಷಸೀಯ ಈ  ಕೃತ್ಯ
"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ

ಒಬ್ಬ  ಮಾನವನಾ  ಕೃತಿಯೋ
ಆ  ಜನಸ್ತೋಮದ  ಭ್ರಮೆಯೋ
ಸ್ಮೃತಿ  ಅಳಸದ  ಕ್ರಿಯೆಯು 
ಮೂಡಿಸುವುದು  ಜನರಲಿ  ಭಯವು
"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ
 
ಸುತ್ತು  ಮುಳ್ಳಿನ  ತಂತಿ  
ವಿದ್ಯುತ್  ಸಂವಹಿಸಿದ  ಬೇಲಿ
ಆಳದಾ  ಕಂದಕವು
ನಾಯಿ  ರಕ್ಷರಾ  ಪಹಳೆ
"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ
 
ಓಡುವುದಾದರು  ಎಂತು
ಬಂದರಿಲ್ಲಿಗೆ  ಮರಣ
ಕಾಯಕವು  ಕಟುಸತ್ಯ
ಸ್ವಾತಂತ್ರ  ಮೃತ್ಯುವಿಗೆ  ಮಿಗಿಲು
"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ

ಭೀಬತ್ಸ  ರುದ್ರ   ಭಯವು
ಸ್ಮಶಾನದ  ಆ  ಶುಬ್ರತೆಯೋ?
ರಣ  ತಾಂಡವ  ಸ್ಥಳವು
ನಾಜಿ   ಜನರ  ದಖಾವು
"ಕಾಯಕವೇ ಸ್ವಾತಂತ್ರ್ಯ"
ಎಂದು ಘೋಷಿಸುವ ತಂತ್ರ


Location: 85221 Dachau, Germany

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »

ಗೀತಕ್ಕನ ಹಕ್ಕಿ

ಇಮೇಜ್
    ಚಿತ್ರ ಕೃಪೆ: ಗೀತಕ್ಕ Click here for audio recitation 🔊 ಹಾರ ಹೊರಟ ಹಕ್ಕಿಯೇಕೊ ರಕ್ಕೆ ಮುದುರಿ ಕೂತಿತೋ। ಯಾವುದರ ನೆನೆಪಾಗಿ ತಾನು ಮೈ ಮರೆತು ಹಾಡಿತೋ? ಸುತ್ತ ಕೇಳಲಾರೂ ಇಲ್ಲ ಪಂಚಮದಲ್ಲಿ ಗುನುಗಿತೊ। ಕೇಳಲೆಂದು ಹಾಡಿತೇನು ತನ್ನತನವ ಮರೆಯುತ? ಅದರ ಇಂಪು ತಿಳಿಯದದಕೆ ಕಂಠ ಬಿಚ್ಚಿ ಹಾಡಿದೆ। ಮೈ ಮರೆತು ನಿದ್ದೆಗೈದ ಬೇಡನನ್ನು ಕಾಡಿದೆ! ಬೇಡನೆದ್ದ ಬೆಚ್ಚಿ ಬಿದ್ದು ಚಿನ್ನ ಕಂಠ ಕೂಗಿಗೆ। ಸರ್ರನೆದ್ದು  ಬೀಸಿ  ಬಲೆಯ  ಪಂಜರದಿ ಅದ ತುಂಬಿದ! ಹಾರ ಹೊರಟ ಹಕ್ಕಿಯಿಂದು ದೂರ ಹಾರದಾಗದಾಯಿತೆ। ಜಾಣತನವ ತೋರದದಕೆ ಇಂದು ಶಿಕ್ಷೆಯಾಯಿತೆ? ಪಂಜರದಾ ಹಕ್ಕಿಗಿನ್ನು ಬಿಡುಗಡೆಯೇ ಇಲ್ಲವೆ? ಸಿಕ್ಕ ಹಕ್ಕಿ ರಕ್ಕೆ ಕಡಿದು ಇನ್ನು ಹಾರಲಾರದೆ? ಬೇಡ ಬಂದ ಜಂಭದಿಂದ ತೋರಿದನಾ ಹಕ್ಕಿಯ। ಪುಟ್ಟ ಮಗುವಿಗಿದೇ ಸರಿ ಎಂದನಾ ಸಿರಿವಂತನು॥ ಕೊಂಡನವನು ಬೇಡನಿಂದ ಅವ ಬೇಡಿದ ಹೊನ್ನಕೆ। ಚಿಕ್ಕ ಮಗುವಿಗೆಂದ ನಗುತ ಇದೋ ನಿನ್ನಾಟಿಕೆ॥ ಮಗುವು ಮುಗ್ಧ ಮನದಿ ನೋಡಿ ಹಕ್ಕಿ ಹಾಡಲೆಂದು ಕೇಳಿತು। ಪಂಜರದಾ ಹಕ್ಕಿಯದು ಮೌನದಲ್ಲಿ ನೋಡಿತು॥ ಅದರ ತೊಳಲನರಿತ ಮಗುವು ಹಕ್ಕಿ ಪಟಕ ತೆರೆಯಿತು। ಹಾರಿ ಹೋಗಿ ಹಕ್ಕಿ ಮಗುಗೆ  ಹಾಡೊಂದನು ಹಾಡಿತು॥ ಕಲಿತೆ ಪಾಠ ನಾನು ಇಂದು ಎಂದೆಂದಿತು ಹಕ್ಕಿಯು। ಏನೆಂದು ಕೇಳೆ ಮಗುವು ಜಾಣ ಹಕ್ಕಿ ನಕ್ಕು ಹಾರಿತು॥ ⁃ ನಾ ಶ್ರೀ ಮೋ Translated Why did the bird that soared so high Fold its win...
Read more »