ಬಣ್ಣದ ಬೆವರು

 


ಸರ್ರೆಂದು ಕಾರ್ನಲ್ಲಿ ಹೋಗುತಿದ್ದ ನಾನು
ಹಠಾತ್ನೆ ನಿಲ್ಲ ಬೇಕಾಯಿತು
ಕಾರಣವಿಷ್ಟೇ ಬಣ್ಣ ಬದಲಾಯಿಸಿತು
ಟ್ರಾಫಿಕ್ ದೀಪದ ಬಣ್ಣ - ಕೆಂಪಾಗಿ ಬದಲಾಯಿಸಿತು


ನಿಂತ ಗಾಡಿಗೆ ಓಡಿಬಂದ
ಹರಕು ಬಟ್ಟೆಯ ಮುದುಕನೊಬ್ಬ
ಕೈ ತುಂಬ ಬಣ್ಣ ಬಣ್ಣದ ಬಾಕ್ಸುಗಳು
ಚಾಚಿ ಕರೆಯುತ್ತಿದ್ದ ನನ್ನನ್ನು
ಅಂಗಲಾಚಿ ಬೇಡುತಿದ್ದ ಕೊಳ್ಳಲು ಒಂದಾದರು

ಇದ್ದ ಸಮಯ ಕಳೆಯಲೆಂದೋ
ಸ್ವಲ್ಪ ಕುಚೇಷ್ಟೆ ಮಾದಲೆಂದೋ
ಕಿಟಕಿ ಇಳಿಸಿ ಕೇಳಿದೆ - "ಏನೋ ಇದು ಮುದುಕ?" ಎಂದು
ಹಲ್ಲು ಕಿರಿಸಿ "ಪೇಪರ್ ಕೆರ್ಚಿಫು ಸಾರ್" ಎಂದ
" ಬರಿ ಹತ್ತು ರುಪಾಯಿ - ಮಾರ್ಕೆಟ್ನಲ್ಲಿ ಇಪ್ಪತ್ತು"


ನಕ್ಕು ನುಡಿದೆ ಹಾಸ್ಯಕ್ಕೆಂದು
"ಬೆವರು ಹೀರುವುದೋ ಇದು?" ಎಂದು
ಹಾಸ್ಯಕ್ಕೆ ಹಾಸ್ಯವೋ, ರೋಸಿಹೋದ ಮಾತದುವೋ?
ನಿಟ್ಟುಸಿರು ಬಿಟ್ಟು ನುಡಿದ
"ತಮಾಷೆ ಮಾಡ ಬೇಡಿ ಸಾರ್"


"ತಮಾಷೆ ಮಾಡ ಬೇಡಿ ಸಾರ್"
ಇದು ಲಿಪ್ ಸ್ಟಿಕ್ ಕ್ಲೀನ್ ಮಾಡುತ್ತದೆ
ಮಕ್ಕಳ ಚಾಕಲೇಟು ,ಕೆಳಗೆ ಬಿದ್ದ ಐಸ್ಕ್ರೀಂ ಕೂಡ
ಕಾರ್ನಲ್ಲಿ ತಿರುಗುವ ನಿಮಗೆ
ಬೆವರು ಬರುವುದಾದರೂ ಎಂತು?

ಕೊಳ್ಳಿ ಹಸಿರಾಗುವ ಮೊದಲು, ನನ್ನ ಉಸಿರಿರುವಾಗಲೇ
ಗಿಟ್ಟಿದ ಒಂದು ರೂಪಾಯಿಗೆ ಹೊಟ್ಟೆ ತುಂಬಿಸಿಕೊಳ್ಳುವೆ
ಇಷ್ಟಂತೂ ಸತ್ಯ - ಇದು ನನ್ನ ಬೆವರು ಹೀರುತ್ತದೆ!
ಕ್ಷಣದಲ್ಲಿ ಟ್ರಾಫಿಕ್‌ ದೀಪದ ಬಣ್ಣ ಬದಲಾಯಿತು


ಹಿಂದಿನ ಕಾರಿನ ಹಾರ್ನ್ ಆರ್ಭಟ
ಗೇರ್ ಬದಲಿಸಿ ಕಾರು ಚಲಿಸಿದೆ
ರೇರ್ ವ್ಯಿವ್‌ ಮಿರರ್ನಲ್ಲಿ ನನ್ನ ನಾ ನೋಡಿದೆ,
ಮುದುಕನನ್ನು ಕೂಡ - ಕಾಯುತಿದ್ದ ಮುಂದಿನ ಕೆಂಪಿಗೆ


ಬಣ್ಣ ಬದಲಾಯಿತು
ಅ ಕ್ಷಣದಲ್ಲಿ ನನ್ನ ಬಣ್ಣ ಬದಲಾಯಿತು!



Location: Delhi, India

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಮರ

ಇಮೇಜ್
  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥
Read more »

ಅಗಲಿಕೆ

ಇಮೇಜ್
  ಚಿಲಿಪಿಲಿಯಾ ಧ್ವನಿಯು ಅಂದು ಬೇಕು ಬೇಕೆಂಬ ಕಳಕಳರವ ಹಾರಿ ದೂರದಿಂದ ತಂದ ಹಣ್ಣು ಹುಪ್ಪಟೆಯ ತಿಂದು ರಕ್ಕೆ ಬಲಿತು ಪುಕ್ಕ ಬೆಳದು ಗೂಡ ಸುರಕ್ಷತೆಯ ತೊರೆದು ಹಾರಲೆಂದು ಗರಿಯಕೆದರಿ ಗೂಡ ಹೊಸ್ತಿಲ್ಲಲ್ಲಿ ನಿಂತು ಹೋಗಿಬರುವೆ ನಾನು ಎಂದು ರಕ್ಕೆ ಚಾಚಿ ನಿಂತ ಮಗುವೆ ಶುಭದ ಹಾರೈಕೆ ನಿನಗೆ ಕಣ್ಣು ತುಂಬಿ ನೀರು ಹರಿದು ಎದೆಯ ನೋವ ಅದುಮಿ ಹಿಡಿದು ಮುಗುಳುನಗೆಯ ಬೀಸಿ ಹಿಗ್ಗಿ ಸಂತಸದಿ ಶುಭವಕೋರಿ ಗೆಲ್ಲು ನೀನು ಜಗವನ್ನೆಲ್ಲ ಹಂಚು ಜಗಕೆ ಸಿಹಿಯ ಬೆಲ್ಲ ಬಾರದಿರಲಿ ಕಷ್ಟವೆಲ್ಲ ಇರಲಿ ನೀರಸ ನನಗೆ ಎಲ್ಲ ನಿಶಬ್ಧದ ಗೂಡಿನಲ್ಲಿ ಕಾದು ಕುಳಿತೆ ನಿನ್ನ ದನಿಗೆ ಬರಲಿ ಸಂತಸದಾ ಆ ಸುದಿನ ಮತ್ತೆ ನಿನ್ನ ಮರಳಿಕೆ ಇರಲಿ ಈ ಕ್ಷಣಕೆ ನನ್ನಲ್ಲಿ ದುಃಖದ  ಈ ಅಗಲಿಕೆ
Read more »

ಗೀತಕ್ಕನ ಹಕ್ಕಿ

ಇಮೇಜ್
    ಚಿತ್ರ ಕೃಪೆ: ಗೀತಕ್ಕ Click here for audio recitation 🔊 ಹಾರ ಹೊರಟ ಹಕ್ಕಿಯೇಕೊ ರಕ್ಕೆ ಮುದುರಿ ಕೂತಿತೋ। ಯಾವುದರ ನೆನೆಪಾಗಿ ತಾನು ಮೈ ಮರೆತು ಹಾಡಿತೋ? ಸುತ್ತ ಕೇಳಲಾರೂ ಇಲ್ಲ ಪಂಚಮದಲ್ಲಿ ಗುನುಗಿತೊ। ಕೇಳಲೆಂದು ಹಾಡಿತೇನು ತನ್ನತನವ ಮರೆಯುತ? ಅದರ ಇಂಪು ತಿಳಿಯದದಕೆ ಕಂಠ ಬಿಚ್ಚಿ ಹಾಡಿದೆ। ಮೈ ಮರೆತು ನಿದ್ದೆಗೈದ ಬೇಡನನ್ನು ಕಾಡಿದೆ! ಬೇಡನೆದ್ದ ಬೆಚ್ಚಿ ಬಿದ್ದು ಚಿನ್ನ ಕಂಠ ಕೂಗಿಗೆ। ಸರ್ರನೆದ್ದು  ಬೀಸಿ  ಬಲೆಯ  ಪಂಜರದಿ ಅದ ತುಂಬಿದ! ಹಾರ ಹೊರಟ ಹಕ್ಕಿಯಿಂದು ದೂರ ಹಾರದಾಗದಾಯಿತೆ। ಜಾಣತನವ ತೋರದದಕೆ ಇಂದು ಶಿಕ್ಷೆಯಾಯಿತೆ? ಪಂಜರದಾ ಹಕ್ಕಿಗಿನ್ನು ಬಿಡುಗಡೆಯೇ ಇಲ್ಲವೆ? ಸಿಕ್ಕ ಹಕ್ಕಿ ರಕ್ಕೆ ಕಡಿದು ಇನ್ನು ಹಾರಲಾರದೆ? ಬೇಡ ಬಂದ ಜಂಭದಿಂದ ತೋರಿದನಾ ಹಕ್ಕಿಯ। ಪುಟ್ಟ ಮಗುವಿಗಿದೇ ಸರಿ ಎಂದನಾ ಸಿರಿವಂತನು॥ ಕೊಂಡನವನು ಬೇಡನಿಂದ ಅವ ಬೇಡಿದ ಹೊನ್ನಕೆ। ಚಿಕ್ಕ ಮಗುವಿಗೆಂದ ನಗುತ ಇದೋ ನಿನ್ನಾಟಿಕೆ॥ ಮಗುವು ಮುಗ್ಧ ಮನದಿ ನೋಡಿ ಹಕ್ಕಿ ಹಾಡಲೆಂದು ಕೇಳಿತು। ಪಂಜರದಾ ಹಕ್ಕಿಯದು ಮೌನದಲ್ಲಿ ನೋಡಿತು॥ ಅದರ ತೊಳಲನರಿತ ಮಗುವು ಹಕ್ಕಿ ಪಟಕ ತೆರೆಯಿತು। ಹಾರಿ ಹೋಗಿ ಹಕ್ಕಿ ಮಗುಗೆ  ಹಾಡೊಂದನು ಹಾಡಿತು॥ ಕಲಿತೆ ಪಾಠ ನಾನು ಇಂದು ಎಂದೆಂದಿತು ಹಕ್ಕಿಯು। ಏನೆಂದು ಕೇಳೆ ಮಗುವು ಜಾಣ ಹಕ್ಕಿ ನಕ್ಕು ಹಾರಿತು॥ ⁃ ನಾ ಶ್ರೀ ಮೋ Translated Why did the bird that soared so high Fold its win...
Read more »