NSM ಕವನ ಸಂಕಲನ

  ಕಾಲಾನಂತ ಎಂದು ಅದಕೆ  ಇಲ್ಲ ಆದಿ ಅಂತ್ಯವು| ಆದಿ ಅಂತ್ಯವಿಲ್ಲದಾ ಕಾಲ ಎಂದು ಸತ್ಯವು| ಕಾಲ ಸತ್ಯ ಇಂದಿಗಿಂದು  ಕಾಲ ಬಹಳ ಕ್ಷಣಿಕವು| ಕ್ಷಣದ ಕಾಲ ಕಳೆದು ಹೋಗೆ  ಬೊಗಸೆ ನೀರಿನಂದದಿ| ಹಿಡಿಯ ಹೋದೆ ಜಾರಿ ಹೋಯ್ತು  ನನ್ನ ಬೆರಳ ಸಂದಲಿ॥ ಮರಳಿ ಕೈಯನದ್ದಿ ಹಿಡಿದೆ ಮತ್ತೆ ಬೊಗಸೆ ನೀರನು| ತಿಳಿತಿಳಿದೂ ನೀರು ನುಸುಳಿ ಹೋಗುವುದದು ಕ್ಷಣದಲಿ| ಕ್ಷಣಿಕ ನೀರ ಹಿಡಿಯುವಾಸೆ, ಹಿಡಿದ ನೀರ ಕುಡಿಯುವಾಸೆ| ತಣಿಸುವುದು ಒಣ ಕಂಠವ ತೃಪ್ತನಾದೆ, ನಿರ್ಲಿಪ್ತನಾದೆ ಮಾಯವಾದ ನೀರ ನೋಡೆ ತಿಳಿದೆ ಜಾಣ ಸತ್ಯವ॥ - ನಾ ಶ್ರೀ ಮೋ

  Click here for audio recitation 🔊 ಮರವಾಗಿ ಇರಬೇಕು ನಾನು ಈ ಧರೆಯೊಳಗೆ ಚಂದದ ತರುವಿನಿಂಜೀವನದ ಅರಿವಾಗೆ ಮರವಾಗಿರ ಬೇಕು ನಾನು ಈ ಧರೆಯೊಳಗೆ॥ ಆಳ ಆಳಕೆ ಹೊಕ್ಕಿ ಧರಣಿಯೊಳು ಧೃಡವಾಗಿ ಹರಡಿ ಈ ಭುವಿಯೊಳಗೆ ಭದ್ರ ಬುನಾದಿಯೆನಿಪ। ಬಲು ಹಳೆಯ ಕಾಣದಾ ಬೇರನು ನಾ ಹೊಂದಿ  ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಮೇಲ್ಮೇಲಕೆ ಏರಿ ಗಗನದಲಿ ವಿಸ್ತರಿಸಿ ಚಾಮರದಂತೆ ಚಾಚಿ ದಿಕ್ಕುಗಳ ದಿಕ್ಕರಿಪ। ಹಚ್ಚ ಪಚ್ಚೆಯ ಹುರುಪ ತೋರುವ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಥಕ ಥೈಯೆಂದು ತಂಗಾಳಿಯಲಿ ನೃತ್ಯವನಾಡಿ ಬಿರುಗಾಳಿಯಲಿ ಧೃತಿಗೆಡದೆ ಛಲದಿನಿಂತಿರ್ಪ। ಸದೃಡ ಸಶಕ್ತ ಕೊಂಬೆ ಖಾಂಡಗಳುಲ್ಲ ಮರವಾಗಿರಬೇಕು ನಾನು ಈ  ಧರೆಯೊಳಗೆ॥ ಚಿಲಿ ಪಿಲಿ ಹಕ್ಕಿಗಳ ಗೂಡಿಗಾಶ್ರಯವಾಗಿ ಹರಡಿ ಛಾಯೆಯ ಚೆಲ್ಲಿ ಪಯಣಿಗಗೆ ತಣಿಪ। ದಾರಿಯಲಿ ಗುರುತಾಗಿ ಸುತ್ತ ಕಟ್ಟೆಯನಿಟ್ಟ ಮರವಾಗಿರ ಬೇಕು ನಾನು ಈ  ಧರೆಯೊಳಗೆ॥ ಮುದದಿ ಒಂದು ದಿನ ಮುಂದೊಮ್ಮೆ ಮುದಿಯಾಗಿ ಹೇಗಾದರೂ ಸರಿಯೆ ಇತರರಿಗೆ ಆಸೆಯ ಮಣಿಪ। ಒಲೆ ಉರುವಲು ಆಗಿ, ಮನೆಯ ಪೀಠೋಪಕರಣವೆಯಾಗಿ ಮರವಾಗಿರ ಇದ್ದಿರಬೇಕು ಜಾಣ ಈ  ಧರೆಯೊಳಗೆ॥

  ತಿಳಿಯದ ತಿಳಿಸಿ ಪೇಳ್ದವನೇನ್ಗುರುವು? ತಿಳಿದಿಲ್ಲಕೆ ತಿಳಿದಿಲ್ಲವೆಂಬುದು ತಾನರಿಯೆ। ಕೇಳ್ದವಗೆ ಸರಿಯುತ್ತರ ಕೊಟ್ಟವನೇನ್‌ ಗುರುವೆ? ಸರಿಯುತ್ತರ ಹುಡುಕಿಸುವವ ತಾ ಗುರುವು ಸರಿಯೆ॥ ತಿಳಿದಿಲ್ಲದವ ತಿಳಿವಿಲ್ಲವೆಂತಿಳಿಯದವ ತಿಳಿಹೇಳೆ ಗೋರ್ಕಲ್ಲ ಮೇಲ್ಮಳೆ ಸುರಿದಂತೆ। ತಿಳಿದಿಲ್ಲದವ ತಾ ತಿಳಿದಿಲ್ಲೆಂದರಿತು ಕೇಳೆ ತಿಳಿ ಹೇಳೆ ಸಾರ್ಥಕವು ತಿಳಿಯದವಗೆ॥ ತಿಳಿದು ತಿಳಿಯದಂತೆ ನಿದ್ರಿಸಿದವಗೆ ಎಬ್ಬಿಸಿ ತಿಳಿಯಾಗಿಸುವವ ಗುರುವು। ತಿಳಿದು ತಿಳಿದಿರುವುದನರಿತವಗೆ ಶರಣು ಅವನೆ ನಿಜದಿ ಗುರುವು ತಿಳಿಯೊ ಜಾಣ॥

  Click here for audio recitation 🔊 ಹಳೆಯ ಹಳಿತ ಕಹಿಯ ನೆನಪು, ಹೊಸ ಹೊಸೆದ ಸಿಹಿಯ ಹುರುಪು ತಂದಿತು ಯುಗಾದಿಯು। ಉರುಳಿ ಕಾಲ ಸತತವಾಗಿ ಮರಳಿತೋ ಯುಗಾದಿಯು॥ ಹಿಂದೆ ತಿರುಗಿ, ಕಳೆದ ನೆನೆದು ಕಲಿತಲ್ಲಿ ಪಾಠವು। ಮುಂದಿನಕೆ ಸಿದ್ದ ಮಾಡಿ ಬಿಚ್ಚಿಟ್ಟ ಗಾಠವು।  ಉರುಳಿ ಕಾಲ ಸತತವಾಗಿ ಮರಳಿತೋ ಯುಗಾದಿಯು॥ ಕಹಿಯನುಂಡು ಸಿಹಿಯ ಸವೆದ ಸಂಯಮದ ಆಟವು। ಮಾವು ಸೇರಿ ಹುಳಿಯನುಂಡ ಜೀವನದ ಪಾಠವು। ಉರುಳಿ ಕಾಲ ಸತತವಾಗಿ ಮರಳಿತೋ ಯುಗಾದಿಯು॥ ಯೋಜನೆಗಳ ಯೋಚನೆಗಳ ಪಟ್ಟಿ ಸಾಲು ಸಾಲಿಗೆ। ಕಾಲಕೆಲ್ಲ ಕಾಲ ಹಾಕಿ ನಡೆವ  ಋುತುಚಕ್ರಕೆ। ಉರುಳಿ ಕಾಲ ಸತತವಾಗಿ ಮರಳಿತೋ ಯುಗಾದಿಯು॥ ಗ್ರಹದ ಗತಿಯನರಿಯಲಾರೆ ಗಿತಿಸುವುದು ಕಾಲ ಖಚಿತವು ಶರಣು ಹೋದೆ ಕಾಲನಡಿಗೆ ಹಸನ ಕಂಡೆ ತುಳಿತದಿಂದ ಉರುಳಿ ಕಾಲ ಸತತವಾಗಿ ಮರಳಿತೋ ಯುಗಾದಿಯು॥

    Click here for audio recitation 🔊 ಕಾಲದೊಳು ಮುನ್ನುಗ್ಗಿ  ಹಿಗ್ಗಿ   ಮುಂದೇನಾಗುವುದದನಾನರಿಯೆ| ಅದಾವ ಯಂತ್ರ, ತಂತ್ರಕೆ ಮಣಿದು  ಏನ ತಿಳಿಸುವುದೊ ನಾ ತಿಳಿಯೆ| ಕಾಲದ ಬಿಲದಲಿ ನುಗ್ಗಿ  ಹಿಂತಿರುಗಿ  ನಡೆದ ಕೆಲ ಘಟನಾವಳಿಯ ನಾನರಸಿ| ನೋಡಿದೆ ಹಲ ಉಲ್ಲಾಸ ಫಟನೆಗಳ  ಕೆಲ ಮರೆತ ಕಹಿ ಸತ್ಯಗಳ॥ ಪಶ್ಚಾತ್ತಾಪ, ಧನ್ಯತೆ, ಉದ್ವೇಗ,  ನಗೆ, ಜಿಗುಪ್ಸೆ, ಕೋಪಗಳ| ಹೀಗೆ ಹತ್ತಾರು ಮಾನಸಿಕ  ಅಂತರಾತ್ಮ ಅನುಭವವು| ಗತಿಸಿದಕೇನು ಚಿಂತೆ ಚಿತೆಯೇರಿತಲ್ಲ ಕಾಲಾಗ್ನಿಯಲಿ| ಮತ್ತೇಕೆ ಆ ಭೂತಗಳು  ಕಾಡುತಿವೆ ನನ್ನನ್ನಿಂದು? ಹಿಂದಿನದಿಂ ಪಾಠ ಕಲಿಯುವಾಸೆ,  ತಪ್ಪ ಸರಿಪಡಿಸುವಾಸೆ। ಚಿಕ್ಕವನಾಗುವಾಸೆ, ಅಮ್ಮನ  ತೊಡೆಯಮೇಲ್ಮಲಗುವಾಸೆ॥ ಗಳೆಯನೊಂದಿಗೆ ಓಡುವಾಸೆ,  ಶಾಲೆಗಗೆ ಹೋಗುವಾಸೆ ಕೈಗೂಡದಾಸೆಗಳ ನೆನಪಿನಂಗಳದಿ  ನಾನಿಂದು  ಹೊರ ಓಡಿ ಬಂದೆ॥ ಕಂಡೆ ನನ್ನ ಕಾಲ ಯಂತ್ರವ  ಬಲು ಹಳೆಯ ಗೆಳೆಯನಲಿ। ಕೊಂಡೊಯ್ದ ಯೋವನದ  ನಮ್ಮಾ ಹಿಂದಿನ ಕಾಲದಲಿ। ವಿಹರಿಸಿ ಬಂದೆವು ಇಂದಿಗೆ  ಮರುಕಳಿಸಿ ಜೊತೆಯಲ್ಲಿ ಮುಂದೊಂದು ದಿನ ಇಂದಿನ  ದಿನವ ಮೆಲಕುವವ ಜಾಣ॥ - ನಾ ಶ್ರೀ ಮೋ

  Click here for audio recitation 🔊 ಕಾಣದ ಜಾಗವ ಕಾಣ ಹೊರಟಿರುವೆ ಕಂಡರಿತ ಈ ಸ್ಥಳವ ನಾನು ತೊರೆದು| ಕಾಣಬೇಕೇನದನು ಯಾಕೀ ಹಟ ತಿಳಿಯೆ ಸಾಧಿಸುವುದಾದರೇನದರ ಫಲವು? ಹಿತ್ತಿಲಿನಾ ಮುದಿ ಮರವ ನೋಡಿ ಕಲಿತೆನು ನಾನು ಜಢದಿ ನಿಂತಿಹುದೇನು ಅಲ್ಲೆ ತೊಯ್ದಾಡದೆ? ಬೇರ ನೂಕಿಹ ತಾನು ಪಾತಾಳವರಸುತ್ತ ಮೇಲ್ಮೇಲೆ ನಡೆದಿಹನು ಬಾನಿನತ್ತ॥ ನಿಂತಿಹುದೇನು ನೀರು ತಾ ನಿಸ್ಚಲದಿ ಮಡುವಾಗಿ ಜಿಗಿದು ಮುನ್ನುಗ್ಗಿಹುದು ಮುಂದೆ ನಡೆಯೆನ್ನುತ। ಕಣಿವೆ ಜಲಪಾತ ತಾ ಹರಿವ ಪಥದೇನರಿವು? ಧೈರ್ಯದಲಿ ಸಾಗುತಿಹಳು ತಾ ನದಿಯೆನ್ನುತ॥ ಹಕ್ಕಿಯದು ಹಾರುತಿದೆ ತನ್ನ ಗೂಡನು ತೊರೆದು ರಕ್ಕೆಯ ಬಲವಲ್ಲವದು ಆತ್ಮ ವಿಶ್ವಾಸ। ಜೊತೆಯಲ್ಲೊ ಒಮ್ಮೊಮ್ಮೆ ಒಬ್ಬೊಂಟಿಗನಾಗಿ ಹಾರುವಾ ಹಕ್ಕಿಯಿಂಪಾಠ ನಾನು ಕಲಿತೆ॥ ಕಾಣದಕೆ ಹುಡುಕುವುದು, ಅರಿಯದನರಸುವುದು ಹುಚ್ಚಲ್ಲ, ಹಠವಲ್ಲ ಅಲ್ಲೇ ಗುರಿಯ ಕಾಣೋ। ಒಳ ಹೊರಗಿನ ಈ ಇಡಿಯ ಬ್ರಹ್ಮಾಂಡದಲಿ  ಕಾಣದಕೆ ಹವಣಿಸಿದವನೆ ನಿಜ ಜಾಣನವನೋ॥ - ನಾ ಶ್ರೀ ಮೋ

    ಚಿತ್ರ ಕೃಪೆ: ಗೀತಕ್ಕ Click here for audio recitation 🔊 ಹಾರ ಹೊರಟ ಹಕ್ಕಿಯೇಕೊ ರಕ್ಕೆ ಮುದುರಿ ಕೂತಿತೋ। ಯಾವುದರ ನೆನೆಪಾಗಿ ತಾನು ಮೈ ಮರೆತು ಹಾಡಿತೋ? ಸುತ್ತ ಕೇಳಲಾರೂ ಇಲ್ಲ ಪಂಚಮದಲ್ಲಿ ಗುನುಗಿತೊ। ಕೇಳಲೆಂದು ಹಾಡಿತೇನು ತನ್ನತನವ ಮರೆಯುತ? ಅದರ ಇಂಪು ತಿಳಿಯದದಕೆ ಕಂಠ ಬಿಚ್ಚಿ ಹಾಡಿದೆ। ಮೈ ಮರೆತು ನಿದ್ದೆಗೈದ ಬೇಡನನ್ನು ಕಾಡಿದೆ! ಬೇಡನೆದ್ದ ಬೆಚ್ಚಿ ಬಿದ್ದು ಚಿನ್ನ ಕಂಠ ಕೂಗಿಗೆ। ಸರ್ರನೆದ್ದು  ಬೀಸಿ  ಬಲೆಯ  ಪಂಜರದಿ ಅದ ತುಂಬಿದ! ಹಾರ ಹೊರಟ ಹಕ್ಕಿಯಿಂದು ದೂರ ಹಾರದಾಗದಾಯಿತೆ। ಜಾಣತನವ ತೋರದದಕೆ ಇಂದು ಶಿಕ್ಷೆಯಾಯಿತೆ? ಪಂಜರದಾ ಹಕ್ಕಿಗಿನ್ನು ಬಿಡುಗಡೆಯೇ ಇಲ್ಲವೆ? ಸಿಕ್ಕ ಹಕ್ಕಿ ರಕ್ಕೆ ಕಡಿದು ಇನ್ನು ಹಾರಲಾರದೆ? ಬೇಡ ಬಂದ ಜಂಭದಿಂದ ತೋರಿದನಾ ಹಕ್ಕಿಯ। ಪುಟ್ಟ ಮಗುವಿಗಿದೇ ಸರಿ ಎಂದನಾ ಸಿರಿವಂತನು॥ ಕೊಂಡನವನು ಬೇಡನಿಂದ ಅವ ಬೇಡಿದ ಹೊನ್ನಕೆ। ಚಿಕ್ಕ ಮಗುವಿಗೆಂದ ನಗುತ ಇದೋ ನಿನ್ನಾಟಿಕೆ॥ ಮಗುವು ಮುಗ್ಧ ಮನದಿ ನೋಡಿ ಹಕ್ಕಿ ಹಾಡಲೆಂದು ಕೇಳಿತು। ಪಂಜರದಾ ಹಕ್ಕಿಯದು ಮೌನದಲ್ಲಿ ನೋಡಿತು॥ ಅದರ ತೊಳಲನರಿತ ಮಗುವು ಹಕ್ಕಿ ಪಟಕ ತೆರೆಯಿತು। ಹಾರಿ ಹೋಗಿ ಹಕ್ಕಿ ಮಗುಗೆ  ಹಾಡೊಂದನು ಹಾಡಿತು॥ ಕಲಿತೆ ಪಾಠ ನಾನು ಇಂದು ಎಂದೆಂದಿತು ಹಕ್ಕಿಯು। ಏನೆಂದು ಕೇಳೆ ಮಗುವು ಜಾಣ ಹಕ್ಕಿ ನಕ್ಕು ಹಾರಿತು॥ ⁃ ನಾ ಶ್ರೀ ಮೋ Translated Why did the bird that soared so high Fold its win...